ಹೊಸತನದ ಸೊಬಗು

 

ಬೊಗಸೆ ನೀರಲಿ ಕಂಡ ಬಿಂಬದ ಸೊಗಸು

ಆಗಸದಲ್ಲಿ ಹರಡಿದೆ ಪ್ರತಿಯೊಂದು ಕನಸು

ಕೈಗೂಡುವಂತೆ ಸಮನಾಗಿ ಜೋಡಿಸು

ಜಟಿಲ ಜಾಲಗಳ ಸುಲಭವಾಗಿ ಬಗೆಹರಿಸು 

ಕುಟಿಲ ಕರ್ಮಗಳ ಸಂಪೂರ್ಣ ಕರಗಿಸು 

ನಿಟಿಲ ನೇತ್ರದ ಪಟಲ ಸರಿಸಿ ಹೊಳೆಸು

ಅರೆಬರೆ ಕೆಲಸಗಳ ಶೀಘ್ರ ಪೂರೈಸು 

ಮರೆತು ಹೋದರೆ ಮತ್ತೆ ಅಭ್ಯಸಿಸು 

ಮುಜುಗರವಿಲ್ಲದೆ ಎಲ್ಲ ಸರಿಪಡಿಸು

ಹೊಸತನದ ಸೊಬಗನ್ನು ಹೆಚ್ಚಿಸು

ಹಳೆಯದನ್ನೆಲ್ಲ ಅಲ್ಲಲ್ಲೇ ಉಳಿಸು

ಒಳಿತನ್ನು ಇನ್ನಷ್ಟು ಗಳಿಸು, ಬೆಳೆಸು.