ಚಿಂತನೆಗೆ ನಿಲುಕದ ಚಿನ್ನಾರಿ ಪುಟ್ಟಗಿಂದು
ಮೂರು ವರುಷಗಳಂತೆ
ಕಳೆದವು ದಿನಗಳು ಪುಟುಪುಟು ನಡೆಯುತ್ತಾ
ಮೂರು ನಿಮಿಷಗಳಂತೆ
ಆಟಪಾಠಗಳೊಂದಿಗೆ ಬಹುಮಾನಗಳನ್ನು
ಪಡೆಯುತ್ತಾನೆ
ಪುಟ್ಟು ಕೈಗಳಿಂದ ಪುಸ್ತಕದಲ್ಲಿ ಚಿತ್ರಗಳ
ಬಿಡಿಸುತ್ತಾನೆ
ತೊದಲು ನುಡಿಯಲಿ ಟೀಚರ ಮಾತುಗಳ
ಅನುಕರಿಸುತ್ತಾನೆ
ಮನೆ ತುಂಬ ಹೆಜ್ಜೆಯಿಟ್ಟು ಓಡಾಡುತ್ತಾ
ಚಿತ್ತಾರ ಮೂಡಿಸುತ್ತಾನೆ
ಮಣ್ಣಲ್ಲಿ ಮನೆ ಕಟ್ಟಿ ಮರಳಲ್ಲಿ ಬೆರಳಿಟ್ಟು
ಕಣ್ಣು ಮಿಟುಕಿಸಿ ನಗುತ್ತಾನೆ
ರಾಜನಂತೆ ರೈಲಲ್ಲಿ ಕುಳಿತು ಟಾಟಾ ಮಾಡುತ್ತ
ಖುಷಿಯಾಗಿ ಕುಣಿಯುತ್ತಾನೆ
ಶುಭವಾಗಲಿ ಕಂದ ನಿನಗೆ
ಇಂದು ಮತ್ತು ಎಂದೆಂದೂ
ದೇವರಾಶೀರ್ವಾದವಿರಲಿ ನಿನ್ನ ಮೇಲೆ
ಇಂದೂ, ಮುಂದೂ.
No comments:
Post a Comment