ಅಚ್ಚರಿಯ ಮೊದಲ ಹೆಜ್ಜೆ
ಚಚ್ಚರದಿ ಎರಡನೆಯ ಹೆಜ್ಜೆ
ಕಾಲಲ್ಲಿ ಕಟ್ಟಿರುವ ಗೆಜ್ಜೆ
ಸಾಧನೆಗೆ ಹೆಮ್ಮೆಯಿಂದ ಲಜ್ಜೆ
ಬೆರಳ ತುದಿ ಹಿಡಿದು ಎದ್ದು
ಸ್ವಪ್ರಯತ್ನದಿ ಮುನ್ನಡೆದೆ
ಶ್ರಮದೊಂದಿಗೆ ಬಿರುನಡೆದೆ
ಛಲದೊಂದಿಗೆ ಗಮ್ಯ ಸೇರಿದೆ
ಅಂದಕ್ಕೆ ಅಂಧಳಾಗದೆ
ಚಂದಕ್ಕೆ ಮರುಳಾಗದೆ
ಬಂದುದನ್ನು ಎದುರಿಸುತ್ತಾ
ಬದುಕನ್ನು ಸಾಗಿಸಿದೆ
ಗರಿಗೆದರಿ ಸಜ್ಜಾಗಿ
ಗರಿಬಿಚ್ಚಿ ಹಾರಿದೆ
ಗರಿಗಳಂದವ ತೋರಿದೆ
ಗುರಿಮುಟ್ಟಿ ವಿಶ್ರಮಿಸಿದೆ
ಜ್ಞಾನಕ್ಕೆ ಕೈಮುಗಿದು
ಧ್ಯಾನಕ್ಕೆ ಗಮನ ಕೊಟ್ಟು
ಪ್ರಾಣವನ್ನು ಪವಿತ್ರಗೊಳಿಸಿ
ಪರಮಾತ್ಮನ ಪಾದ ಸೇರಿದೆ