Thursday, October 31, 2024

ರಾಜ್ಯೋತ್ಸವದ ಶುಭಾಶಯ

 

ಭಾಷೆಯ ಕುಲುಮೆಯಿಂದ ಪುಟಿದೆದ್ದ ಕನ್ನಡ 

ಕಲಿತು ಅರಿತವರಿಗೆ ಹೆಮ್ಮೆಯೆನಿಸುವ ಕನ್ನಡ

ವೇಷಗಳ ಹುಡುಕಿ ಕಳಚುವ ಕಸ್ತೂರಿ ಕನ್ನಡ

ಕನ್ನಡಿಗರ ನರನಾಡಿಯಲ್ಲಿ ಕನ್ನಡ, ಕನ್ನಡ, ಕನ್ನಡ

ರಾಜ್ಯೋತ್ಸವದ ಶುಭಾಶಯಗಳು

ದೀಪಾವಳಿ 2024

 

ಮಳೆಯಲ್ಲಿ ತೋಯ್ದ ಇಳೆ 

ಸುತ್ತೆಲ್ಲಾ ತುಂಬಿದೆ ಹಸಿರು ಕಳೆ 

ಎಲ್ಲೆಲ್ಲೂ ಹಣತೆ ದೀಪಗಳೇ 

ಶುಭ ತರಲಿ ಈ ದೀಪಾವಳಿ




Sunday, October 27, 2024

ಅಂತಸ್ಥ

 

ಅವರಿವರ ಅರಿವಿನಲ್ಲಿ

ಅಳಿದುಳಿದ ಚೂರುಗಳಲಿ

ಅಡಗಿ ಕುಳಿತಿರುವ ಭಾವನೆಗಳಲಿ

ಬದ್ಧತೆಯ ಹುಡುಕಬಾರದು


ಅಂಗಲಾಚಿದರೂ ಎಟುಕದ

ಸಂಗಕೆಂದೂ ನಿಲುಕದ

ರಂಗು ಮೋಡಿ ಮನಸುಗಳಿಗೆ

ಸಿಲುಕಬಾರದು


ನೊಂದವರ ನೋಯಿಸುವ

ಬೆಂದವರ ಬೇಯಿಸುವ

ದುರುಳರ ಮಾತುಗಳಿಗೆ

ಬಲಿಯಾಗಬಾರದು


ಇಂದು ಇಂದಾಗಿರದ

ನಾಳೆ ನಾಳೆಯಾಗಿರದ

ಅಯೋಮಯ ಸ್ಥಿತಿಗೆ

ಬೀಳಬಾರದು


ಮೇಲು ಕೀಳೆಂಬ ಭ್ರಮೆಗೆ

ಮರುಳಾಗಿ ತಲೆ ಕೆಟ್ಟು

ನಮ್ಮನಮ್ಮ ಬೇರುಗಳ

ಮರೆಯಬಾರದು


ಎಷ್ಟೇ ಸಿರಿತನವಿರಲಿ

ಎಷ್ಟೇ ಬಡತನವಿರಲಿ

ಭಗವಂತನ ಧ್ಯಾನ ಬಿಟ್ಟು

ಮೆರೆಯಬಾರದು