ಹಾರುವ ಕುದುರೆ

 

ಚಿತ್ರ: ಗೂಗ್‌ಲ್‌ನಿಂದ

ಹಾರುತ್ತದೆ ಹಾರುವ ಕುದುರೆ

ಏರುತ್ತದೆ ಏರಿಯ ಚದುರೆ

ಬೀರುತ್ತದೆ ನೋಟವ ಓರೆ

ವಯ್ಯಾರದಲಿ ತಿರುವುತ್ತ ಮೋರೆ

ಕೆಲವೊಮ್ಮೆ, ಹಿಡಿತ ಮೀರಿ ಹಾರುತ್ತದೆ

ಮಿಡಿತದೊಂದಿಗೆ ಓಡುತ್ತದೆ

ಹಿರಿಯರಿಗೆ ಸಡ್ಡು ಹೊಡೆಯುತ್ತದೆ

ಕಿರಿಯರಿಗೆ ಗುದ್ದು ನೀಡುತ್ತದೆ

ಮಿಗಿಲಿಲ್ಲವೆಂಬಂತೆ ಕುಣಿಯುತ್ತದೆ

ಬುದ್ಧಿ ಮಾತುಗಳಿಗೆ ಬೆನ್ನು ಹಾಕುತ್ತದೆ

ಜಗವನ್ನೇ ಗೆದ್ದೆನೆಂಬಂತೆ ಮೆರೆಯುತ್ತದೆ

ತಾನೊಂದು ಅಣು ಮಾತ್ರವೆಂಬುದರ ಮರೆಯುತ್ತದೆ