ದೈತೋಟದ ಮನೆ-ಮನದಿ
ಮೊಳೆತ ಅಚಿಂತ್ಯ ಅಚ್ಚರಿಗೆ
ಇಂದು ಎರಡು ವರುಷಗಳು
ಮುದ್ದು ಕೂಸಿನ ಆಟಪಾಠದಲಿ
ಅದೃಷ್ಟದ ಅಮಿತ ನೋಟದಲಿ
ಸಂತಸದ ಸಂಗೀತ ಸುಧೆಯಿದೆ
ಜನ್ಮ ದಿನದ ಶುಭ ಹಾರೈಕೆಯಲ್ಲಿ
ಭವಿಷ್ಯದ ಭವ್ಯ ಮಿಲನದಲ್ಲಿ
ಪಿತನ ಪವಿತ್ರ ಕನಸು ಅಡಗಿದೆ
ರಕ್ತ ಸಂಬಂಧದ ವ್ಯಕ್ತ ಭಾವಕೆ
ಸುಪ್ತ ಮನಸಲಿ ಕೊಂಡಿಯಿದೆ
ಆಪ್ತ ವಾತ್ಸಲ್ಯದ ಗಿಂಡಿಯಿದೆ
ಬೆಳೆವ ಮನಸಲಿ ಬೆಸೆವ ಪ್ರೀತಿಗೆ
ಜನಕನ ಜತನದ ಅಭಯವಿದೆ
ಅಪ್ಪನ ಅಪರಿಮಿತ ಪ್ರೇಮವಿದೆ
No comments:
Post a Comment