ಗೂಡುದೀಪ

 

ಗೂಡುದೀಪಗಳ ಬೆಳಕಿನಲ್ಲಿ

ಹೊಳೆವ ಮೊಗಗಳಲಿ ಸಂತಸ

ಮಕ್ಕಳ ಓಡಾಟದ ಕಲರವದಲ್ಲಿ 

ಮುದುಡಿಕೊಂಡಿದೆ ಹಳೆ ಆಲಸ 

ಗೂಡಿನೊಳಗಿಂದ ಇಣುಕಿದ ಮರಿಹಕ್ಕಿ

ಬೆಳಕಿನ ಚಮಕಿನ ಸೆಳೆತಕ್ಕೆ ಸಿಕ್ಕಿ

ಉಲ್ಲಾಸ ಉತ್ಸಾಹ ಉಕ್ಕಿ ಉಕ್ಕಿ

ಗುಟುಕು ತಿಂದಿತು ಕುಕ್ಕಿ ಕುಕ್ಕಿ

ಗೂಡ ಮುಂದಿನ ಗೂನು ನಾಯಿ

ಜೋರಾಗಿ ಆಕಳಿಸಿ ಕಳೆದು ಬಾಯಿ

ಬಂದಿಲ್ಲವಲ್ಲ ಇನ್ನೂ ಬೂತಾಯಿ

ಎಳೆಯುತಿದೆ ನಿದ್ರೆಯ ಹಾಯಿ

ಗೂಡಿನಿಂದ ಹೊರಟ ಇರುವೆ ಸಾಲು

ಸುತ್ತುವರಿಯಿತು ದೀಪದ ಕಾಲು

ಬೆಳಕ ಬೆಳ್ಳಿಯ ಬಳ್ಳಿ ಇರುಳು

ಸವರಿತು ಇರುವೆಗಳ ಸರ್ಪ ಕಾವಲು