ಶೇರ್ ಮಾರ್ಕೆಟ್

ಆಸೆಯನ್ನು ಕೆದಕುತ್ತದೆ 

ಅತಿಯಾಸೆ ಮೊಳೆಯುತ್ತದೆ

ದುರಾಸೆಯದು ಹೆಚ್ಚಾದರೆ 

ನಿರಾಸೆ ಮನವನ್ನು ಸುಡುತ್ತದೆ

ಅರಿತರೆ ಅರಮನೆಯಾಗಿಸುತ್ತದೆ

ಅರಿಯದಿರೆ ಸೆರೆಮನೆಯಾಗಿಸುತ್ತದೆ

ಕಲಿಕೆಯನ್ನು ಅನಿವಾರ್ಯವಾಗಿಸುತ್ತದೆ

ಕಲಿಯದಿದ್ದರೆ ದಿಟವಾಗಿ ಕೈಸುಡುತ್ತದೆ 

ಅತ್ತರೆ ನಗಿಸುತ್ತದೆ 

ನಕ್ಕರೆ ರೊಚ್ಚಿಗೇಳುತ್ತದೆ 

ಕೊಟ್ಟರೆ ಏರುತ್ತದೆ 

ಕೊಂಡರೆ ಇಳಿಯುತ್ತದೆ

ಜಾಣ್ಮೆಯನ್ನು ಬೆಳೆಸಿ ಶ್ಲಾಘಿಸುತ್ತದೆ

ತಾಳ್ಮೆಯನ್ನು ಕಲಿಸಿ ಪರೀಕ್ಷಿಸುತ್ತದೆ

ಗಲಿಬಿಲಿಗೊಳಿಸಿ ತಲೆ ಕೆಡಿಸುತ್ತದೆ

ಭಯ ಹುಟ್ಟಿಸಿದರೂ ಜಯ ತರುತ್ತದೆ