ಕಾಯಬೇಕು ಅಷ್ಟೇ
ಕಷ್ಟಗಳಿಗೂ ಸಾವಿದೆ
ಮನಸ್ಸಿರಬೇಕು ಅಷ್ಟೇ
ಇಷ್ಟಗಳಿಗೂ ಬದುಕಿದೆ
ಆಸೆ ಇರಬೇಕು ಅಷ್ಟೇ
ಕನಸಿಗೂ ಅವಕಾಶವಿದೆ
ಧೈರ್ಯವಿರಬೇಕು ಅಷ್ಟೇ
ನನಸಿಗೂ ಭವಿಷ್ಯವಿದೆ
ತಾಳ್ಮೆ ಬೇಕು ಅಷ್ಟೇ
ಕೆಲಸದಲ್ಲಿ ಜಯವಿದೆ
ಅರಿವು ಬೇಕು ಅಷ್ಟೇ
ಬೆಳೆಸಿದಲ್ಲಿ ಬಲವಿದೆ
ಛಲವಿರಬೇಕು ಅಷ್ಟೇ
ಫಲದಲ್ಲಿ ಸಿಹಿಯಿದೆ
ಧೃಢವಾಗಿರಬೇಕು ಅಷ್ಟೇ
ಕಲೆಯಲ್ಲಿ ಗೆಲುವಿದೆ
ಇರುವುದು ನಮಗೆ ನಾಲ್ಕು ದಿನ
ಉರಿವುದು ತನು ಮನ ಧನ
ದ್ವೇಷ ಅಪನಂಬಿಕೆಗಳು ಹೀನ
ಆದರೂ ಕೊಡುವರುನ್ನತ ಸ್ಥಾನ
ಪ್ರೀತಿ ಒಲವು ತುಂಬಿದ ಜೀವನ
ದೊರೆವುದು ಎಷ್ಟೊಂದು ಕಠಿಣ
ಅಹಂ ಹೆಚ್ಚಿಸಿ ಬೀಗುವುದು ಮನ
ಇರುವುದನ್ನು ಕಳೆವುದು ಮೂರ್ಖತನ
ಅವರಿವರ ಕಡೆಗೆ ಅತೀವ ಗಮನ
ನಮ್ಮದನ್ನು ಹೇಳಿದರೆ ಅಸಮಾಧಾನ
ತಾಳಕ್ಕೆ ಕುಣಿದರೆ ಮಾತ್ರ ಸನ್ಮಾನ
ಅಂತಿರುವುದಷ್ಟೇ ನಮ್ಮ ಜಾಣತನ
ವರ್ಷಗಳು ಉರುಳುವುದು ದಿನ ಸಮಾನ
ಬುದ್ಧಿ ಬರುವುದಂತೂ ಬಲು ನಿಧಾನ
ಯಾಕೆ ಬೇಕು ಹುಳಿ ರಗಳೆಗಳ ಜ್ಞಾನ
ಭಗವತ್ಪಾದಕ್ಕೆ ಸಮರ್ಪಣೆ ಈ ಪ್ರಾಣ
