ಇದ್ದರೆ ಇರುವೆಯಂತೆ ಇರಬೇಕು
ಬಿದ್ದರೂ ಮತ್ತೆ ಮತ್ತೆ ಎದ್ದು ಬರಬೇಕು
ಅಡ್ಡಿಗಳ ಸುತ್ತಿ ಹತ್ತಿ ಮೇಲೇರಬೇಕು
ಶರೀರ ಚಿಕ್ಕದಾದರೂ ಕಾರ್ಯ ದೊಡ್ಡದಿರಬೇಕು
ಕಣ ತೂಕವಾದರೂ ಮಣ ಕೆಲಸ ಮಾಡಬೇಕು
ಛಲ ಬಿಡದೆ ಸಾಧಿಸುವ ದೃಢ ಮನಸ್ಸಿರಬೇಕು
ಬಿಸಿಲಿನಲಿ ಬೆವರಿನಲಿ ಬೆದರದೇ ಓಡಾಡಬೇಕು
ದೂರವೋ ಸನಿಹವೋ ಗುರಿಯೆಡೆಗೆ ಸಾಗಬೇಕು
ಯಾರಿರಲೀ ಇಲ್ಲದಿರಲೀ ಕರ್ತವ್ಯದೆಡೆ ಲಕ್ಷ್ಯಬೇಕು
ಮುಖಾಮುಖಿಯಾಗಿ ವಿಷಯಗಳ ಚರ್ಚಿಸಬೇಕು
ಸಂಘ ಸಹವಾಸದಲಿ ಸ್ವರ್ಗವನು ಕಾಣಬೇಕು
ಶ್ರಮ ಪಟ್ಟು, ಕ್ರಮದಲ್ಲಿ ಬದುಕಿ ಜಯಿಸಬೇಕು
No comments:
Post a Comment