ಅಂಕು ಡೊಂಕು

ಅಂಕುಡೊಂಕಿನ ಮರದಲ್ಲಿ 

ಬಿಂಕವಿಲ್ಲದೆ ಬೆಳೆದ ಪುಷ್ಪ

ಸಂಖ್ಯೆಯನ್ನು ಹೆಚ್ಚಿಸುತ್ತಾ

ಸಂತಸದ ಸುವಾಸನೆ ಬೀರುತ್ತದೆ

ಪರ್ಣಪಾತಿ ವೃಕ್ಷವೊಂದು

ಅಪರ್ಣವಾಗಿ ನಿಂದರೂ

ಸ್ವರ್ಣ ರವಿಯ ಬೆಳಕಿನಲ್ಲಿ

ವರ್ಣಮಯವಾಗುತ್ತದೆ 

ಅಗಳ ಬಳಿ ಬೆಳೆದು ನಿಂದು

ಖಗಗಳನ್ನು ಹೊತ್ತುಕೊಂಡು

ಜಗಳವಿಲ್ಲದ ಜಗದ ಕನಸನು

ಜಗಕೆಲ್ಲ ಹಂಚುತ್ತದೆ

ಬದುಕಿದ್ದಾಗಲೂ ಸತ್ತಾಗಲೂ

ಎಲ್ಲರಿಗೂ ನೆರವಾಗುತ್ತದೆ

ಮನುಜನಂತೆ ಕೊಂಕು ಹುಡುಕದೆ

ಜ್ಞಾನಿಯಂತೆ ನಿರ್ಗಮಿಸುತ್ತದೆ