ಅವಳಾಡಿದ ಮಾತುಗಳು

 

ಇದ್ದಕ್ಕಿದ್ದಂತೆ ಎದ್ದು ಬಂದು

ಎದುರು-ಬದುರಾಗಿ ನಿಂದು

ಕಣ್ಣಲ್ಲಿ ಕಣ್ಣಿಟ್ಟು ದೃಷ್ಟಿ ನೆಟ್ಟು

ಕಣ್ಣೀರ ಹರಿಯಲು ಬಿಟ್ಟು

ಅಸಹನೆಯ ಬದಿಗಿಟ್ಟು

ಭಾವನೆಗಳ ಕಟ್ಟಿಟ್ಟು

ಬಯಕೆಗಳ ಬಚ್ಚಿಟ್ಟು

ಕೈಗಳನು ನನ್ನ ಹೆಗಲ ಮೇಲಿಟ್ಟು

ಅಂದು ಅವಳಾಡಿದ ಮಾತುಗಳು

ಅನುರಣಿಸುತ್ತಿವೆ ಕಿವಿಯಲ್ಲಿ 

ತೊಳಲಾಡುತ್ತಿವೆ ಮನದಲ್ಲಿ

ಕೇಳುತ್ತಿವೆ ಹೃದಯದ ಬಡಿತದಲ್ಲಿ

ಕಾಣುತ್ತಿವೆ ಕನಸಿನಲ್ಲಿ, 

ಹೊಡೆಯುತ್ತಿವೆ ಗೊಂದಲದಲ್ಲಿ

ಜೊತೆಯಾಗಿವೆ ಪ್ರತೀ ಹೆಜ್ಜೆಯಲ್ಲಿ

ಅಚ್ಚಾಗಿದೆ ಅಸ್ಥಿ ಮಜ್ಜೆಯಲ್ಲಿ