ಭಾಗ್ಯ - ಯೋಗ್ಯ

ವರುಷದಾದಿಯಲಿ ಹೊಸಹಾದಿಯಲಿ 

ಸಿಕ್ಕಿರುವುದು ನಮಗೆ ಭಾಗ್ಯ

ಅಂಡು ಸುಟ್ಟರೂ ಮಂಡೆ ಕೆಟ್ಟರೂ

ನಮಗದೇ ಸೌ-ಭಾಗ್ಯ

ಮುಂದೊಂದು ದಿನ ನಾವೇ ಆಗುವೆವು ಭೋಗ್ಯ

ಆಗ ಪರಿತಪಿಸ ಬೇಕಾಗುವುದು ನಮ್ಮ ದೌರ್ಭಾಗ್ಯ

ಈಗಲೇ ಎಚ್ಚೆತ್ತರೆ ನಡೆಯುವುದೆಲ್ಲ ಯೋಗ್ಯ

ಆಗ ಮಾತ್ರ ಉಳಿಯುವುದು ಆಯುರಾರೋಗ್ಯ

ಧೀಮಂತ ದೊರೆತಾಗ ನೆಮ್ಮದಿಯು ಲಭ್ಯ

ಭಾಗ್ಯಗಳ ಅಳಿಸಿ ಬಲ ನೀಡುವ ಸಭ್ಯ

ಯೋಚಿಸಿ ಹೆಜ್ಜೆ ಇಟ್ಟರೆ ಸಿಗುವುದು ಸೌಲಭ್ಯ

ಕಿಸುರು ಕೊಸರುಗಳು ಅಲ್ಲಿ ಖಂಡಿತಾ ಅಲಭ್ಯ