ಮಂಗನ ಸಂಗ

ಈಗೇನು ಮಾಡಲೆಂದು ನೊಂದು ಕುಳಿತಿರುವಾಗ

ಮಂಗನೊಂದು ಎದುರು ಬಂದು ಬಂಗಿ ಸೇದುತಿತ್ತು 

ಅದರ ಸಂಗ ಮಾಡಲೆಂದು ನಿಂದು ನೋಡುವಾಗ

ಮಾಣಿಕ್ಯವ ಕೆಳಗೆ ಚೆಲ್ಲಿ ಗುಂಡು ನಲಿಯುತಿತ್ತು

ಮಂಗನ ಸಂಗವಾದರೆ ಪೆಂಗನಾಗ ಬೇಕು

ಬಂಗಿ ಸೇದೋ ಚಟದ ಫಲ ಅನುಭವಿಸ ಬೇಕು

ಅಂಗನೆಯ ರಂಗುಭಂಗಿ ಬದಲಾಗ ಬೇಕು

ಬಾಳ ಬತ್ತಿ ಹೊಸಕದಂತೆ ಬಿಗಿಯಾಗ ಬೇಕು

ಮರ್ಕಟದ ಮತ್ತಿನಾಟಕೆ ಕಿಚ್ಚೊಡ್ಡ ಬೇಕು

ಚಾಂಚಲ್ಯದ ಶಕಟಕ್ಕೊಂದು ಕಡಿವಾಣ ಬೇಕು

ಅಕಟಕಟ ಅನುಕಂಪ ಚಟಪಟಿಸ ಬೇಕು

ಗಟ್ಟಿ ಹೆಜ್ಜೆ ಇಟ್ಟು ನಡೆದು ಗುರಿ ಮುಟ್ಟ ಬೇಕು