ಸಂಚಯ

 

ಪುಟ್ಟಕ್ಕನ ಪುರದಲ್ಲಿ ಪುಸ್ತಕದ ರಾಶಿ

ಎಲ್ಲವನ್ನಿನ್ನೂ  ಓದದಿದ್ದರೂ

ಇನ್ನಷ್ಟು ಖರೀದಿ ಒಟ್ರಾಶಿ 

ಪುಟ್ಟಕ್ಕನ ಸುತ್ತಮುತ್ತ ಧೂಳುಮಯ

ಕಾಲಾಡಿಸಲಿಕ್ಕೂ ಆಗದಂತೆ

ಸಾಮಾನುಗಳ ಸಂಚಯ

ಪುಟ್ಟಕ್ಕನ ಬೆಕ್ಕುಗಳ ಕೈತಪ್ಪಿದೆ ಆರೋಗ್ಯ

ಏನು ಮಾಡಿದರೂ ಸಿಗುತ್ತಿಲ್ಲ

ಗುಣವಾಗುವ ಭಾಗ್ಯ

ಪುಟ್ಟಕ್ಕನ ತೋಟದಲ್ಲಿ ಹೆಗ್ಗಣಗಳ ರಾಜ್ಯ

ಅಲ್ಲಿ ಇಲ್ಲಿ ಅಗೆದು ಬಗೆದು 

ಪುಟ್ಟಕ್ಕಗೂ ಹೆಗ್ಗಣಗಳಿಗೂ ವ್ಯಾಜ್ಯ

ಪುಟ್ಟಕ್ಕನ ಮನೆ ಮುಂದೆ ಚಾಲಕರಿಂದ ಅಡಚಣೆ

ಎಷ್ಟು ಹೇಳಿದರೂ ಕೇಳುವುದಿಲ್ಲವೆಂದಾಗ 

ಕೋಪ ಬಂದರೆ ಪುಟ್ಟಕ್ಕನಲ್ಲ ಹೊಣೆ

ಪುಟ್ಟಕ್ಕನ ತಾರಸಿಯಲ್ಲಿ ತೆಂಗಿನಕಾಯಿ ಚೆಂಡಾಟ

ಬಿದ್ದು ಬಿದ್ದು ಒಡೆದು ಹೋದರೂ

ಕೀಳಿಸಲಾರೆ ಎಂಬ ಮಂಗಾಟ

ಪುಟ್ಟಕ್ಕ ಪೇರಿಸಿಟ್ಟ ಕಟ್ಟಿಗೆಯ ಕಟ್ಟುಗಳು

ದಿನಾ ಬಿಸಿನೀರು ಕಾಸಿದರೂ ಮುಗಿಯದ

ಹಲವು ರೀತಿಯ ಸೆಟ್ಟುಗಳು