ಸಂತ

 

ಸಂತನೊಬ್ಬ ಸಂತನ ಭೇಟಿಯಾದಾಗ

ಸುತ್ತೆಲ್ಲ ಸಂತಸ ಹರಿಯುತ್ತದೆ

ಸಂತಸ ಹರಿದು ನದಿಯಾದಲ್ಲಿ 

ಆರೋಗ್ಯವು ತುಂಬಿ ತುಳುಕುತ್ತದೆ

ಆರೋಗ್ಯ ತುಂಬಿ ತುಳುಕಿದಲ್ಲಿ

ನಗು ನಕ್ಕು ನಲಿಯುತ್ತದೆ

ನಗು ನಕ್ಕು ನಲಿಯುವಲ್ಲಿ

ನೆಮ್ಮದಿ ಸದಾ ನೆಲೆಸುತ್ತದೆ

ನೆಮ್ಮದಿ ನೆಲೆಸಿದಲ್ಲಿ ಐಶ್ವರ್ಯ ಸಿದ್ಧಿಸುತ್ತದೆ

ಐಶ್ವರ್ಯ ಸಿದ್ಧಿಸಿದಲ್ಲಿ ದಾನಧರ್ಮ ಇಣುಕುತ್ತದೆ

ದಾನಧರ್ಮ ಇಣುಕಿದಲ್ಲಿ ದಯೆ ಮೂಡುತ್ತದೆ

ದಯೆ ಮೂಡಿದಲ್ಲಿ ದಾರಿ ಕಾಣುತ್ತದೆ

ದಾರಿ ಕಂಡಾಗ ಮನುಜ ಸಂತನಾಗುತ್ತಾನೆ

ಸಂತನೆಂದಿಗೂ ಸಕಲರಿಗೆ ಬೆಳಕಾಗುತ್ತಾನೆ

ಬೆಳಕಾದ ಸಂತನೊಬ್ಬ ಸಂತನ ಭೇಟಿಯಾದಾಗ

ಸುತ್ತೆಲ್ಲ ಸಂತಸ ಹರಿಯುತ್ತದೆ