ಸ್ಥಿತಿ

 

ವಾಹನ ದಟ್ಟಣೆಯಲ್ಲಿ ಸಿಲುಕಿದ ಆಂಬ್ಯುಲೆನ್ಸ್ 

ಅಮ್ಮನ ಕಾಣದೆ ಬಿಕ್ಕಿಬಿಕ್ಕಿ ಕಣ್ಣೀರಿಡುವ ಕಂದ 

ಬೇಟೆಗಾರನ ಬಲೆಯಲ್ಲಿ ಬಂಧಿಯಾದ ಪ್ರಾಣಿ

ದುಷ್ಟರ ಕಿರುಕುಳ ಸಹಿಸುತ್ತಿರುವ ಯುವತಿ

ತಪ್ಪೇ ಇಲ್ಲದಿದ್ದರೂ ಬೈಗುಳ ತಿನ್ನುವ ಕೆಲಸಗಾರ

ಅಸಡ್ಡೆಗೆ ಮೈಹಿಡಿಯಾಗಿ ಬೇಡುವ ಭಿಕ್ಷುಕ

ಸುಡು ಬಿಸಿಲಲ್ಲಿ ಬಾಡುತ್ತಿರುವ ಗಿಡಮರಗಳು

ನೀರು ತಪ್ಪಿ ಉಸಿರಿಗೆ ಚಡಪಡಿಸುತ್ತಿರುವ ಮೀನು

ಅಮ್ಮನ ಕರೆಗೆ ಕರು ಅಂಬಾ ಎಂದೋಡಿ ಬಂದ ಕ್ಷಣ 

ಮುಗ್ಧ ಮಗುವೊಂದು ಬಂದಪ್ಪಿ ಮುತ್ತಿಟ್ಟ ನಿಮಿಷ

ಹಿರಿಯರ ಸೇವೆ ಮಾಡಿ ಆಶೀರ್ವಾದ ಪಡೆದ ಹೊತ್ತು

ಕಳೆದು ಹೋದ ನೆಮ್ಮದಿಯ ಮರಳಿ ಪಡೆದ ದಿನ

ಮೋಡವಿಲ್ಲದ ಆಗಸದಲ್ಲಿ ಮಿನುಗುವ ನಕ್ಷತ್ರಗಳು

ನೆಟ್ಟು ಬೆಳೆಸಿದ ಗಿಡದಲ್ಲಿ ಅರಳಿದ ಹೂವುಗಳು

ಬಂಧುಗಳು ಒಂದೆಡೆ ಕಲೆತಾಗ ಪ್ರೀತಿಯ ಮಾತುಗಳು 

ಸಾಧನೆಯ ತುದಿಯೇರಿ ನಿಂದ ತೃಪ್ತಿಯ ನಗು 

ಹಾರಾಡುತ್ತಿರುವ ಹಕ್ಕಿಗಳ ಚಿಲಿಪಿಲಿ ಕಲರವ

ಅಂಗಳದಲ್ಲಿ ಓಡಾಡುತ್ತಿರುವ ನಾಯಿ ಮರಿಗಳು

ಮರಿಗಳೊಂದಿಗೆ ಆಟವಾಡುತ್ತಿರುವ ಮಕ್ಕಳು