ಅಪ್ಪ ಇಲ್ಲ ಅಮ್ಮ ಇಲ್ಲ
ಇದ್ದಾಗ ಬೆಲೆ ಕೊಡಲಿಲ್ಲ
ಪ್ರೀತಿ ಮಮತೆ ಸಾಲಲಿಲ್ಲ
ಈಗ ಪಡೆವ ಭಾಗ್ಯವಿಲ್ಲ
ಕೊಟ್ಟ ಕಿರುಕುಳ ಕಮ್ಮಿ ಇಲ್ಲ
ಪಶ್ಚಾತ್ತಾಪ ಪಟ್ಟೇ ಇಲ್ಲ
ನಿನಗದರ ಅರಿವೇ ಇಲ್ಲ
ಅವರು ತಿಳಿಯಗೊಡಲಿಲ್ಲ
ಅವರ ಮನವ ಅರಿಯಲಿಲ್ಲ
ಜೊತೆಗೆ ಸಮಯ ಕಳೆಯಲಿಲ್ಲ
ಪ್ರೀತಿಯಂತೂ ತೋರಲಿಲ್ಲ
ಮಾತು ಕೂಡ ಆಡಲಿಲ್ಲ
ವಾಸ್ತವವ ಗ್ರಹಿಸಲಿಲ್ಲ
ತಕ್ಷಣ ಎಚ್ಚೆತ್ತುಕೊಳಲಿಲ್ಲ
ಕಳಕೊಂಡ ಮೇಲೆ ಅವರೇ ಎಲ್ಲಾ
ಆದರೇನೂ ಫಲವಿಲ್ಲ
2 comments:
ಅಂತರಾಳ ಮಿಡಿದು ನುಡಿವ ಸತ್ಯ.
ಪ್ರತಿಯೊಂದು ಜೀವಕೂ ಅರಿವಿಗೆ ಬರುವ ಸತ್ಯ.
ಅರಿತರೂ ನಿಸ್ಸಹಾಯಕರಾಗುವುದಂತೂ......
ನೂರಕ್ಕೆ ನೂರಲ್ಲ...ನೂರೊಂದು ಪ್ರತಿಶತ ಸತ್ಯ
ಮಗುವೇ ಮನುಜನೀ ಕಟು ಸತ್ಯ ವನು ಪೀಳಿಗೆಗೆ ಸಾರಿ ಸಾರಿ ಹೇಳುತಲೇ ಇದ್ದರೂ ಅವರ ಕಿವಿಗಳಿಗೆ ಬೀಳದೇ ಹೋಗುವ ನತ್ಯ ಸತ್ಯ....
ಹೌದು, ಈ ಸತ್ಯ ಅರಿವಿಗೆ ಬರುವುದೇ ಸಮಯ ಮೀರಿದ ಮೇಲೆ.
Post a Comment