ಶಾಮುವಿನ ನವಿಲುಗರಿ

 

ಶಾಮುವಿನ ನವಿಲುಗರಿ, ನಲ್ಮೆ ನವಿರಿನ ಕುಸುರಿ

ಪದಗಳ ಪರಮಾಣು, ಶಾರದೆಯ ಮನದಲ್ಲಿ ಚಿಗುರಿ

ಭಕ್ತಿಭಾವ ತುಂಬಿಸಿ, ಪ್ರೀತಿ ಮಮತೆ ಮೆರೆಸಿ

ಶಾಂತಿಯಿಂದ, ಪುಟದಲ್ಲಿ ಬಿಂಬಿಸಿದ ಗರಿ

ಪದ ಬುಟ್ಟಿಯ ಅಲ್ಲಿಂದಿಲ್ಲಿಗೆ, ಇಲ್ಲಿಂದಲ್ಲಿಗೆ ಸರಿಸಿ

ಅನುಭವವ ಗಳಿಸಿ,  ಜ್ಞಾನ ದೀವಿಗೆ ಬೆಳಗಿಸಿ

ಹದಗೊಳಿಸಿ, ಹೊಸತನವ ಮೂಡಿಸಿ 

ಪದಗಳೊಡನೆ ಆಟವಾಡಿದ ಸರಸಿ

ಮನದಲ್ಲಿ ಮೂಡಿದ ಪದಗಳ ಬೆರಳಿಗಿಳಿಸಿ 

ಆಸ್ಥೆಯಿಂದ ಒಂದೊಂದೇ ಎಸಳುಗಳ ಬಿಡಿಸಿ

ಹೆಕ್ಕಿ, ಎಣಿಸಿ, ಉತ್ಸಾಹದಿಂದ ಜೋಡಿಸಿ

ತಟ್ಟೆಯಲ್ಲಿಟ್ಟು ತನ್ನ ಗುರುವಿಗೆ ಕೊಟ್ಟ ಸಾಹಸಿ