ಜಿಜ್ಞಾಸೆ

ನಾ ಹೇಳಿದೆ,

ಬರೆಯುವುದು ನನಗಾಗಿ, 

ಬರೆದು ಮರೆಯಬೇಕು

ಆಕೆ ಅದಕೊಪ್ಪದೇ ಹೇಳಿದಳು,

ಬರೆಯಬೇಕು, 

ಬರೆದು ಎಲ್ಲರಿಗೂ ತೋರಿಸಬೇಕು

ನಾನೆಂದೆ,

ಬರೆಯುವುದು ಮಿಡಿತ, ನನ್ನೊಳಗಿನ ತುಡಿತ, 

ನನ್ನ ಹೃದಯದ ಬಡಿತ,  ಇದು ನನ್ನ ಇಂಗಿತ

ಆಕೆ ಅದಕೊಪ್ಪದೇ ಆಂದಳು,

ಬರೆದು ಎಲ್ಲರಿಗೂ ತೋರಿಸದಿದ್ದರೆ 

ನಮ್ಮ ತಪ್ಪುಗಳು ನಮಗೆ ತಿಳಿಯುತ್ತಾ?

ನಾನೆಂದೆ,

ಬಿಡು, ನಾ ಬಯಕೆಗಾಗಿ ಬರೆಯುವೇ, 

ನಿಂತಲ್ಲೇ ತಿರುಗುವೆ

ಆಕೆಯೆಂದಳು,

ಹಂಚಿಕೊಂಡರೆ ಆ ಹರಿವನೆಲ್ಲ,

ನೀನು ಇನ್ನಷ್ಟು ಬೆಳೆಯುವೇ 

ಆಕೆಯ ಅಭಿಪ್ರಾಯ ಸರಿ

ತಿದ್ದಿಕೊಳ್ಳುವುದರಲ್ಲಿ ತಪ್ಪಿಲ್ಲ, ಒಪ್ಪಿದೆ

ಆದರೂ ಮನಸು ಹೇಳುತಿದೆ

ನನ್ನ ಅಭಿಲಾಷೆಯೂ ಸರಿ

ಅದೇಕೋ ಏನೋ, 

ನನಗದರಲ್ಲೇ ಒಪ್ಪವಿದೆ