ಹೊಸ ದಿನದರ್ಶಿಕೆ

ದಿನಪಟ್ಟಿ ಬದಲಾಗುತ್ತಿದೆ

ದಿನದಿಕ್ಸೂಚಿ 2024 ರೆಡೆಗೆ ತಿರುಗುತ್ತಿದೆ

ಇನ್ನೇನು, ಸಂಕ್ರಾಂತಿ ಸಮೀಪಿಸುತ್ತಿದೆ

ಎಲ್ಲೆಲ್ಲೂ ಸಂಭ್ರಮ ಮೈಗೂಡುತ್ತಿದೆ

 

ಯಾರೇನೇ ಮಾಡಿದರೂ, ಆಗಲೇಬೇಕು

ಎಂಬಂಥದ್ದನ್ನು ತಪ್ಪಿಸಲಾಗುವುದಿಲ್ಲ

ತಿಪ್ಪರಲಾಗ ಹಾಕಿದರೂ, ಆಗಬಾರದು

ಎಂಬಂಥದ್ದನ್ನು ಆಗಿಸಲು ಸಾಧ್ಯವಿಲ್ಲ

ಸಮಯವು ಅದರಷ್ಟಕ್ಕೆ ಸರಿಯುತ್ತಲಿರಲಿ

ಕಾಲನ ಕೈವಾಡ ಒತ್ತಟ್ಟಿಗಿರಲಿ

ಕರ್ತವ್ಯ, ಜವಾಬ್ದಾರಿಗಳಿಗೆ ಹೆಗಲಿರಲಿ

ಬಂದುದನೆದುರಿಸುವೆನೆಂಬ ಕೆಚ್ಚಿರಲಿ

ಹೊಸ ದಿನದರ್ಶಿಕೆಯಲ್ಲಿ ಹೊಸತನವ ಕಾಣಿ

ಹೊಸತನದಲ್ಲಿ ಹೊಸ ವಿಷಯಗಳ ಸರಣಿ

ಹೊಸ ವಿಷಯಗಳಲ್ಲಿ ಹೊಂಬಿಸಿಲ ಚಾವಣಿ

ಹೊಂಬಿಸಿಲ ಚಾವಣಿಯಲ್ಲಿ ಜೀವನದ ಸವಿ ಫೇಣಿ