ದುರ್ಗಾಪರಮೇಶ್ವರಿ

ಇಂದ್ಯಾಕೋ ಅಮ್ಮನ ಮುಖ ಊದಿದೆ

ದಿನವೂ ನಗುವ ಮೋರೆಯಲಿಂದು

ಅಸಮಾಧಾನ ಮೂಡಿದೆ

ಆದರೂ ತುಟಿಯಲ್ಲಿ ತೆಳು ಮಂದಹಾಸವಿದೆ

ಕಾರುಣ್ಯ ಮೂರುತಿಯಿಂದು 

ಇಂಗಳ ಕಾರುತಿದೆ, ಆದರೂ

ಮನುಜನ ಮೌಢ್ಯಕ್ಕವಳ 

ಕರುಳು ಮರುಗುತಿದೆ

ಆಕೆ ತಾಯಿ, ಮಮತಾಮಯಿ 

ಕ್ಷಮೆ ನೀಡುವ ದಯಾಮಯಿ

ಕೈ ಹಿಡಿದು ನಡೆಸುವ ಕರುಣಾಮಯಿ

ಪ್ರೀತಿಯಿಂದ ಸಲಹುವ ಮಹಾಮಾಯಿ

ತಲೆಪೂಸಿ ಹರಸುವ ತಾಯಿ ಗೌರಿ

ಅಭಯ ನೀಡುವ ಅಭಯಂಕರಿ

ಕಟಿಮೇಲೆ ಕೈಯಿಟ್ಟು ಕಾಯುವ

ನಮ್ಮಮ್ಮ, ಕಟೀಲು ದುರ್ಗಾಪರಮೇಶ್ವರಿ