ಒಳಗಿನ ಕೂಗು

ಒಳಗಿಂದ ಒದ್ದೊದ್ದು ಬರುವುದದು ಕೂಗು

ಮನಸು ಹೃದಯ ಒಟ್ಟಾಗಿ ಅದಕೆ ತಲೆ ಬಾಗು

ಕೂಗಿನ ಆಳ ಅರ್ಥವ ತಿಳಿದು ತಲೆದೂಗು

ನಿರ್ಧಾರ ತೆಗೆದುಕೊಳ್ಳುವಷ್ಟಾದರೂ ನೀ ಮಾಗು

ಹುದುಗದಂತೆ ನೋಡಿಕೋ ಕಾಲ ಕೆಳಗೆ ಜೌಗು

ಸರಿಯುವಂತೆ ನೋಡಿಕೋ ಒಳ್ಳೆತನದ ಸೋಗು

ಕರಗಬೇಕು ಪೂರ್ತಿಯಾಗಿ ದರ್ಪದ ಅರಗು

ಅರಗಬೇಕು ಸಂಪೂರ್ಣವಾಗಿ ನಿನ್ನ ತುಡುಗು 

ಅರಿತುಕೊಂಡರೆ ನೀ ಸನ್ಮಾರ್ಗದ ಸೊಬಗು

ಎಲ್ಲೆಡೆಯಲ್ಲೂ ಪಸರಿಸುವುದು ಅದರ ಮೆರುಗು

ಹಿಡಿದು ನಡೆದರೆ ನಿತ್ಯವೂ ನೀ ಸತ್ಯದ ಅಲಗು

ಸುಲಭವಾಗಿ ಕಳೆವುದದು ನಿನ್ನ ಸಕಲ ಪಿಡುಗು