ತುಣುಕುಗಳು

೦೧.

ಪದಗಳಿಗೆ  ಬಸಿರಾಗಿ, 

ಸಮಯಕ್ಕೆ ಸರಿಯಾಗಿ

ಉಸಿರು ಹಿಡಿದು ಬಲವಾಗಿ

ತಿಣುಕಿದರಷ್ಟೇ ಪದ್ಯ ಹುಟ್ಟುವುದು

೦೨.

ಹಬ್ಬಗಳ ಸಂಗಮ

ಸಂಸ್ಕೃತಿಗಳ ಸಮಾಗಮ

ಹರಡುವುದು ಘಮಘಮ

ಹಿರಿ-ಕಿರಿಯರೆಲ್ಲರಿಗೂ ಸಮಸಮ

೦೩.

ಹಗಲು ರಾತ್ರಿಯಲ್ಲ ರಾತ್ರಿ ಹಗಲಲ್ಲ

ನೀನು ನಾನಲ್ಲ ನಾನು ನೀನಲ್ಲ

ಎಂದಿಗೂ ಹೋಲಿಕೆ ಸರಿಯಲ್ಲ

ಇದನರಿತರೆ ಸಾಕಲ್ಲ, ಕೀಳರಿಮೆ ಬೇಕಿಲ್ಲ

೦೪.

ಭಾವನೆಗಳ ಏರುಪೇರು ಬರಲಿ ಬಿಡು

ಜೀವನದ ಸಾರವನ್ನು ಅನುಭವಿಸಿ ಬಿಡು

ಭವಂತಿ ಭಾರವನ್ನು ಭಗವಂತನಿಗೆ ಕೊಡು

ಆಗುವುದು ಬದುಕು ನೋಡು ಸುಖದ ಗೂಡು