ಗಿಡ - ಮರ - ವರ

ಖಾಲಿ ಜಾಗಗಳಲಿ ಗಿಡ ನೆಡದಿದ್ದರೆ ಇಂದೇ

ಅಳುವೆ ನೀ ಮುಂದೆ ನೆಡಬೇಕಿತ್ತು ಅಂದೇ 

ನೆಟ್ಟ ಗಿಡ ಬೆಳೆದು ಮರವಾಗಲೇನು ತಡ

ನೆಮ್ಮದಿಯ ಕ್ಷಣಗಣನೆ ಮನೆಮಂದಿ ಸಂಗಡ

ಮರದಿಂದ ಬೀಜ ಬಿದ್ದು ಹುಟ್ಟುವುದು ಗಿಡ

ಗಿಡದಿಂದ ಮರವಾಗಿ ತೀರುವುದು ನಿನ್ನ ಕಡ

ಮರಗಳು ಬೆಳೆದಂತೆ ಕಾಣಬಹುದು ಕಾಡ

ಗಿಡಬಳ್ಳಿ ಖಗಮೃಗಗಳ ಅಪೂರ್ವ ನಾಡ 

ಹಸಿರ ಉಳಿಸಿದರೆ ಭವದ ಉಸಿರು ಸಾಯ

ಹಸಿರ ಉಳಿಸಿ ಬೆಳೆಸಲು ಹೊಂದು ದೃಢ ಧ್ಯೇಯ

ಮಕ್ಕಳಿಗೂ ಮರಿಗಳಿಗೂ ಮಾಡು ಸಹಾಯ

ಮರವುಳಿಸಿ ಬೆಳೆಸುವುದೇ ಉಳಿದಿರುವ ಉಪಾಯ