ಚರ್ವಿತಚರ್ವಣ

 

ಇಲ್ಲಿಗೇ ಮುಗಿಯಿತೇ ನನ್ನ ಪದ ಭಾಂಡಾರ

ಹುಟ್ಟುತ್ತಿಲ್ಲ ಮನದೊಳಗೆ ಪದಗಳ ಸಾರ

ಸಿಕ್ಕುತಿಲ್ಲ ಸರಿಯಾದ ಸಾಲುಗಳ ದಾರ

ಹೀಗಾದರೆ ಖಂಡಿತ ನಾನಾಗಲಾರೆ ಉದ್ಧಾರ

ಹೊಸತನದ ಹಾದಿಯಲಿ ಉತ್ಸಾಹದ ಪೂರ

ಇಷ್ಟು ದಿನ ಹರಿಯುತ್ತಿತ್ತು ಬಳಸಿ ಸಕಲ ದ್ವಾರ

ಸುರಿಯುತಿತ್ತು ಎಲ್ಲೆಡೆಯಲ್ಲೂ ಸವಿಸ್ತಾರ

ಬೆರೆತು ಹೃದಯದಿ ಸೂಚಿಸುತ್ತಿತ್ತು ಪರಿಹಾರ

ಇದಕ್ಕೇ ಹೇಳುವುದು, ಬರೆಯಬೇಕು, 

ಬರೆಯುವುದರೊಂದಿಗೆ ಕಲಿಯಬೇಕು, ಕಲಿಯದೇ

ಬರೆಯುತಿದ್ದರೆ ಆಗುವುದು ಚರ್ವಿತಚರ್ವಣ,

ಓದುಗ ವೃಂದ ಬಿಡುವುದು ನಮಗೆ ತರ್ಪಣ