ಸ್ವಚ್ಛ ಭಾಷೆ ಕಲಿಕೆ

 

ಶ್ರೀವತ್ಸ ಜೋಶಿಯವರ ಸ್ವಚ್ಛ ಭಾಷೆ ಕಲಿಕೆ

ಇದು ಕನ್ನಡಕ್ಕೊಂದು ಸ್ವಚ್ಛ ಕೈಪಿಡಿ

ಮಾಡಿಲ್ಲವಾದರೆ ಒಡನೆಯೇ ಖರೀದಿ ಮಾಡಿ

ಕನ್ನಡಿಗರಿಗಿದನು ಉಡುಗೊರೆಯಾಗಿ ನೀಡಿ

ಸದಾ ಸ್ವಚ್ಛ ಕನ್ನಡದಲ್ಲಿಯೇ ಮಾತನಾಡಿ

ಅಗತ್ಯವಿದ್ದಾಗಲೆಲ್ಲಾ ಇದರ ಬಳಕೆ ಮಾಡಿ

ಇದರೊಳಗೆ ನೀವೂ ಮುಳುಗಿ, ಅಡ್ಡಾಡಿ 

ಮರುಳು ಮಾಡುವುದು ಇದರ ಮೋಡಿ

ಒಮ್ಮೊಮ್ಮೆ ಸೂಚನೆಗಳೊಂದಿಗಿನ ಚೆನ್ನುಡಿ

ಕೆಲವೊಮ್ಮೆ ನಗಿಸುವುದು ನಮ್ಮ ಜೊತೆಗೂಡಿ

ತಪ್ಪು ಪದಗಳಿಗೆ ಹಾಕುವುದು ಸರಿಯಾದ ಬೇಡಿ

ಖರೀದಿಸಲಾಗದಿದ್ದರೂ ಓದಿ, ಯಾರನಾದರೂ ಕಾಡಿಬೇಡಿ

ನನಗಂತೂ ಇದು ಉತ್ತಮ ಒಡನಾಡಿ

ಬೆಳೆಸುವುದು ನನ್ನ, ತಪ್ಪು ಪದಗಳ ತಿದ್ದಿ-ತೀಡಿ

ಸಂಶಯ ಪರಿಹರಿಸಿಕೊಳುವೆ ಅವರೊಡನೆ ಮಾತಾಡಿ

ಇದು ನಿಮಗೂ ಉಪಯುಕ್ತ, ಒಮ್ಮೆ ಬಳಸಿ ನೋಡಿ