ನಿನಗಲ್ಲ - ನಿನ್ನದಲ್ಲ

ಕೆಲಸ ಮಾಡುವಲ್ಲಿ ಮೇಲಿನವರು

ಬಾಯಿಗೆ ಬಂದಂತೆ ಕಿರುಚಾಡಿದರು,

ನೀನ್ಯಾಕೆ ಬೆದರಬೇಕು, 

ತಪ್ಪು ಮಾಡಿಲ್ಲದಿದ್ದರೂ

ಹಾದಿಯಲ್ಲಿ ಎದುರಾದವರು

ಏನೇನೋ ಹೇಳಿದರು,

ನೀನ್ಯಾಕೆ ಹೆದರಬೇಕು, 

ನಿನ್ನ ತಪ್ಪಿಲ್ಲದಿದ್ದರೂ

ಮನೆಮುಂದೆ ಹೋಗುವವರು

ಮನ ಬಂದಂತೆ ಕೂಗಾಡಿದರು,

ನೀನ್ಯಾಕೆ ಮುದುಡಬೇಕು, 

ಅದು ಬೇರೆಯವರಿಗಾದರೂ 

ಸ್ನೇಹಿತರು - ಸಂಬಂಧಿಕರು 

ಇಲ್ಲದ ಕಥೆ ಕಟ್ಟಿದರು,

ನೀನ್ಯಾಕೆ ಸೊರಗಬೇಕು,  

ನಿನಗೆ ಸಂಬಂಧಿಸಿಲ್ಲದಿದ್ದರೂ

ಕಾರ್ಯಕ್ರಮವೊಂದರಲ್ಲಿ ಜನರು

ಕೆಟ್ಟ-ಸೊಟ್ಟ ಮಾತಾಡಿದರು,

ನೀನ್ಯಾಕೆ ಕೊರಗಬೇಕು,

ಅದು ನಿನಗಲ್ಲದಿದ್ದರೂ

ದಾರಿಯಲ್ಲಿ  ಹೋಗುವವರು

ದುಷ್ಟತನ  ತೋರಿದರು,

ನೀನ್ಯಾಕೆ ದಣಿಯಬೇಕು, 

ನಿನಗೆ ಶಕ್ತಿಯಿದ್ದರೂ

ಯಾರೋ ತಪ್ಪು ಮಾಡಿ

ನಿನ್ನ ತಲೆಗೆ ಕಟ್ಟಿದರು,

ನೀನ್ಯಾಕೆ ಒಪ್ಪಬೇಕು, 

ಅದು ನಿನ್ನದಲ್ಲದಿದ್ದರೂ