ಗೊತ್ತಿತ್ತು

 

ಗೊತ್ತಿತ್ತು ನನಗೆ, ನಾ ಬರೆಯೆನೆಂದು

ನಿತ್ಯ ಬರೆವೆನೆಂದು ಅಂದುಕೊಂಡರೂ

ನಾನದನು ಖಂಡಿತವಾಗಿಯೂ ಮರೆವೆನೆಂದು

ಆದರೂ ಒಮ್ಮೊಮ್ಮೆ ಇಲ್ಲಿ ಬಂದು

ಒಂದೂ ದಾರಿ ಕಾಣದೇ ತಿರುಗಿ ನಿಂದು

ಮನದುಸುಕಿನೊಳಗೆ ಮುಳುಗಿ ಕೊಳೆವೆನೆಂದು

ಬಹಳಷ್ಟು ಯೋಚಿಸಿದೆ ನಾನು ಅಂದು

ಕೊಂಚ ಪ್ರಯತ್ನಿಸಿದರೆ ಹೇಗೆ ಎಂದು

ತುಳುಕಿದವು ಅಲ್ಲಿಇಲ್ಲಿ  ಒಂದೆರಡು ಬಿಂದು

ಮತ್ತೆ ಕುಸಿದು ಕುಳಿತು ಹಿಡಿದು ಸಂದು

ಯೋಚಿಸುತ್ತಿದ್ದೆ ನಾ ಬಹಳವೇ ನೊಂದು 

ಸಹವಾಸವೇ ಬೇಡ ಇದರದು ಇನ್ನೆಂದೂ

ಅಂತಸ್ಥ ಅಂತಸ್ಸಾಕ್ಷಿ ಎದ್ದು ಬಂದು

ಹೇಳಿದ ಮಾತದು ಒಂದೇ ಒಂದು

ನೀ ಮರಳಿ ಯತ್ನಿಸಿ ನೋಡಬಾರದೇ ಎಂದು