ಕಟ್ಟು ಬಿಚ್ಚುವುದಿಲ್ಲ

 

ಒಮ್ಮೊಮ್ಮೆ ವಿಚಾರಗಳು ಒಳಗೊಳಗೇ

ತಕಧಿಮಿ ಎನ್ನುತ್ತವೆ

ಆದರೂ ಕೂಡಿ ಬರುವುದಿಲ್ಲ

ಹೊರಹಾಕುವ ಬಯಕೆ 

ಕತ್ತು ಹಿಡಿಯುತ್ತದೆ

ಆದರೂ ಹೇಗೆಂದು ತಿಳಿಯುವುದಿಲ್ಲ

ಬಲವಂತದಿಂದಾದರೂ ಬಳಿಯುವ

ಇಚ್ಛೆ ಮೊಳೆಯುತ್ತದೆ

ಆದರೂ ಧೈರ್ಯ ಬರುವುದಿಲ್ಲ

ಮನಸು ಊಳಿಡುತ್ತದೆ

ಹೃದಯ ಗೋಳಾಡುತ್ತದೆ

ಆದರೂ ತೊಳಲಾಟ ನಿಲ್ಲುವುದಿಲ್ಲ

ಆತಂಕ, ಆಕಾಂಕ್ಷೆಯ ಮುಸುಕಿ ಬಿಡುತ್ತದೆ

ಉದ್ವೇಗ ಕನಸನ್ನು ಹೊಸಕಿ ಬಿಡುತ್ತದೆ

ಆದರೂ ಕಟ್ಟು ಬಿಚ್ಚುವುದಿಲ್ಲ