ಹನಿ

 

ಪ್ರಕೃತಿಯ ಪರಿಧಿಯಲ್ಲಿ 

ಬೆಚ್ಚಗಿನ ಸಂಜೆಯಲ್ಲಿ ಸುಳಿದ ಗಾಳಿ,

ತಣ್ಣನೆಯ ಎಲೆಯನ್ನು ತಡವಿ

ರೋಮಾಂಚನದೊಂದಿಗೆ ಸ್ಖಲಿಸಿದ 

ಹನಿಯೇ ಮುಂಜಾವಿನ ಇಬ್ಬನಿ

ಮಾನವನ ಪರಿಮಿತಿ ಮೀರಿ

ದಾನವನ ಹುಟ್ಟಿನಲಿ 

ದುಷ್ಟತನ ಹೊಣಕಿದಾಗ

ಅಸಹ್ಯದೊಂದಿಗೆ ಹೊರ ಬೀಳುವ 

ಹನಿಯೇ ಬೆಲೆಕಟ್ಟಲಾರದ ಕಂಬನಿ

ಹಗಲಿನಲಿ ಇರುಳಿನಲಿ

ಬಿಸಿಲಿನಲಿ ನೆರಳಿನಲಿ

ಹಸಿಯಾದ ಅನುಭವಗಳಲಿ

ಬಿಸಿಯಾದ ನೆನಪಿನಲಿ ರೂಪುಗೊಳ್ಳುವ

ಹನಿಯೇ ಅವರವರ ಒಳ ಧ್ವನಿ

ಬಾನಲಿ ಬುವಿಯಲಿ ಗಿಡದಲಿ ಮರದಲಿ

ಮನದಲಿ ಮನೆಯಲಿ ಅಂಗಳದಲ್ಲಿ 

ಗುದ್ದಲಿ ಪೆಟ್ಟಲಿ, ಇದ್ದಲ ಹೊಟ್ಟಲಿ 

ಎಲ್ಲೆಲ್ಲೂ ಇದ್ದು ಮಾಡದಂತೆ ಸದ್ದು 

ಬೆನ್ನಿಗಿರುವೆಯಲ್ಲಾ, ಹೇರಂಬ ನೀ