ವಿದ್ಯಕೋಮಲೇ

ರವಿಗೆ ರಂಗೋಲಿ ಬಿಡಿಸಿ

ನೆರಳ ಜೊತೆ ಪೈಪೋಟಿ ನಡೆಸಿ

ದಶದಿಕ್ಕುಗಳಿಗೆಸಳುಗಳ ಹಾಸಿ

ನೋವುಗಳ ಗುಡಿಸಿ ಹಾರೈಸಿ 

ನಲಿವಿನಿಂದ ನಗುತಿರುವ ವಿದ್ಯಕೋಮಲೇ 

ತಾರಸಿಯ ತರುಣಿಯಿವಳು

ವಾರಸಿಯ ಹೆಮ್ಮೆಯಿವಳು

ಕೈತೋಟಕೆಲ್ಲ ಅರಸಿಯಿವಳು

ಬಾರಿಸುವಳು ಜಯದ ಭೇರಿ

ಹರುಷದಿಂದ ಬಾರಿಬಾರಿ ವಿದ್ಯಶ್ಯಾಮಲೇ 

ಕುಂಡದಲಿ ಜನುಮ ತಳೆದು

ಗುಂಡಿಗೆಯ ಅದುಮಿ ಹಿಡಿದು

ಸಂಡಿಗೆಯ ಸಪ್ಪಳಕೆ ಮಂಡಿಯೂರಿ

ಮುಂದೆ ಸರಿದು ಕಂಡಿಯಿಂದ ಇಣುಕಿ ನೋಡಿ

ಚೆಂಡೆಯನು ಬಾರಿಸುವಳು ವಿದ್ಯಕಮಲೇ