ಕಾಣುವುದು ಕೈವಲ್ಯ

ಕತ್ತಲ ಕೋಣೆಯೊಳಗೆ ಬದುಕುವುದರಲ್ಲೇನು ಸುಖ

ಸುತ್ತೆಲ್ಲ ಸುಂದರ ಬೆಳಕು ತುಂಬಿರುವಾಗ

ಅದಿಲ್ಲ ಇದಿಲ್ಲವೆಂದು ಗೊಣಗಿದರೇನು ಗುಣ

ಕಣ್ಣೆದುರೇ ಸಕಲವೂ ಬಿದ್ದಿರುವಾಗ

ಅವರಿವರ ಅದೃಷ್ಟ ಕಂಡು ಕರುಬಬೇಡ 

ಮುಸುಕಿನೊಳಗೇ ನಿನಗೆ ನೀ ಮುಳ್ಳಾಗಬೇಡ

ಹೊಸಕಿ ಆತ್ಮಸಾಕ್ಷಿಯ ನೀ ಸುಳ್ಳಾಗಬೇಡ

ಮಿಸುಕಿದ ಪಿಸುಮಾತಿಗೆಂದೂ ಕಲ್ಲಾಗಬೇಡ 

ಮನದ ಕದವ ತೆರೆದು ಹೊರಗೆ ಬಂದು ನೋಡು

ಮೈಮುರಿದು ಮನಬಿರಿದು ಬೆಂದು ನೋಡು 

ಸುದೀರ್ಘ ಸುಲಲಿತ ಸುಖದಲ್ಲಿ ಮಿಂದು ನೋಡು

ಕಾಣುವುದು ಕೈವಲ್ಯ ನೀನಲ್ಲಿ ನಿಂದು ನೋಡು